لماذا ساويرس الأن؟

اشتعلت الحرب بين السلفيين ونجيب ساويرس بعد نشره صورتين لميكي ماوس على صفحته الخاصة في موقع التواصل الاجتماعي تويتر، رسم على إحداها رجلا بلحية وجلباب، وعلى الأخرى امرأة منتقبة

 مما أثار استياء الكثيرين، قبل أن يقوم ساويرس بإزالة الصورة، وأكد أنه كان يقصد أن هذا الكاريكاتير صورة طريفة، ولا تمثل استهزاء بالدين الإسلامي، لكن هذا الاعتذار تم رفضه من جانب التيار السلفي






و أنا سوف أعلق على ذلك من خلال أقتباس + صورة + فيديو






أولاً: الأقتباس:-


هذا الكلام مقتبس من هذا المصدر : http://on.fb.me/ljYuXt

لما صبحي صالح سخر من المرأة المسلمة الغير إخوانية وإستخدم آيه قرآنية بإنها هي الأدنيرفعتوا صوره و عملتوا صفحات للدفاع عنه و معتبرتوهاش اهانة للمسلمات
و لما الشيخ يعقوب قال فى خطبة غزوة الصناديق اللى مش عاجبه يهاجر امريكا و كندا و ده فيه اهانة لكل من قال "لا" سواء مسلم او مسيحى و طلع قال كنت بهزر بعد ما تسبب فى اثارة الفتنة و الكراهية بين المسلمين و المسيحيين كله سكت و قولتوا معلش هزاااار
و لما الشيخ حازم شومان شتم و اهان البرادعى و اتهمه بالعمالة و الخيانة و الكفر و بعدين طلع قال انا اسف اصلى مكنتش فاهم..قولتوا معلش ميقصدش
و لما تم نشر صورة فى الاهرام يوم 14 يونيو فيها سخرية من اللحية كله عمل نفسه مش واخد باله
لكن دلوقتى لما ساويرس حط صورة و مسحها بعدها على طول و اعتذر كله عايز يقاطعه و نسيتوا ان فيه ملايين من المسلمين و المسيحيين بيشتغلوا فى استثماراته و لو هو خسر الناس دى مش هتلاقى تاكل و هتترمى فى الشارع..و نسيتوا ان "عفا الله عمّا سلف" و نسيتوا ان ديننا دين سماحة و نسيتوا الآية الكريمة: وَإِنْ جَنَحُوا لِلسَّلْمِ فَاجْنَحْ لَهَا وَتَوَكَّلْ عَلَى اللَّهِ إِنَّهُ هُوَ السَّمِيعُ الْعَلِيمُ
و للعلم انا مش بدافع عن ساويرس ولا بقول انه مغلطش...لا هو غلطان بس مش عشان غلط نعلقله حبل المشنقة...فيه طرق كتير للرد عليه و أولها القضاء..لكن انا مرضاش ان اخى المسلم يتضرر من المقاطعة ولا أرضى ان مسيحى محترم غير مسئول عن غلط ساويرس انه يتضرر من المقاطعة فى لقمة عيشه
دى حتى مقاطعة منتجات الدنمارك محدش التزم بيها مع ان اساءتهم للرسول و المسلمين لا تقارن اطلاقا بالصورة اللى حطها ساويرس و كانوا فعلا يستاهلوا المقاطعة
و انا شايفة ان اللى يخلى الناس تتجاوز عن كل الاهانات اللى فوق دى و تيجى عند ساويرس و يفرموه..ده ملوش غير مبرر واحد ... إن دى حملة لضرب الحزب بتاعه فى الانتخابات المقبلة

ثانياً : الصورة :-

ثالثاً : الفيديو:-

و أخيراً أدعو الجميع الى الأشتراك فى هذه الصفحة من خلال الضغط على زر Like ، ثم الضغط على زر Share